É o procedemento que se solicita á Autoridade Laboral para suspender ou extinguir definitivamente as relacións laborais entre unha empresa e os seus empregados garantindo os dereitos dos traballadores.
Poden solicitalo tanto as empresas como os propios traballadores, a través dos seus representantes legais, cando consideren que así van evitarse un prexuízo maior. Pero só cando se dan determinadas circunstancias previstas pola lei:
* Despedimento colectivo ou suspensión da relación laboral por causas económicas, técnicas, organizativas ou da produción.
* Suspensión ou extinción da relación laboral por forza maior.
* Extinción da relación laboral por extinción da personalidade xurídica do contratante.
O ERE debe acompañarse dunha memoria das causas que o justifican, documentación económica da empresa e, en compañías de 50 ou máis traballadores, un plan de viabilidade.
Se a medida afecta a menos de 200 traballadores, a Autoridade Laboral pode ser a da provincia onde está a empresa. Se afecta a máis de 200 persoas ou a centros situados en diversas provincias, o caso podería pasar ao Ministerio de Traballo e Asuntos Sociais.
Se o expediente solicítase por causas de forza maior, basta con informar os representantes legais dos traballadores e esperar a resolución da Autoridade Laboral. No resto de casos, ábrese un período de consultas e de negociación entre empresa e traballadores. Se non se chega a un acordo, a Autoridade Laboral decide se se acepta ou non a regulación de emprego.
Vid: Laboris
