17 mayo, 2009

As bolsas de plástico

Cada ano consómense ao redor dun trillón de bolsas de plástico, das que só se recicla unha ínfima parte porque é moito máis barato fabricar bolsas novas que reciclalas. Máis económico se só pénsase no custo inmediato. Se se mira un pouco máis aló dámonos/dámosnos conta que o prezo a pagar pola inconsciencia é MOITO MAIOR. Algo que xa denuncian numerosas organizacións cos seus manifestos e algúns artistas coas súas impactantes imaxes. A maioría das bolsas de plástico van ao mar desde barcos ou a través dos desaugadoiros. Tamén contaminan os nosos ríos e a terra. Diferentes especies mariñas morren ao confundir o plástico con comida. As bolsas se fotodegradan e partículas microscópicas tóxicas entran na cadea alimentaria. Que podemos facer? Se usamos unha bolsa de tea, podemos aforrar 6 bolsas por semana, 24 bolsas ao mes, 288 bolsas ao ano, 22.176 bolsas durante unha vida media. Afortunadamente moitos países están a concienciarse prohibindo as bolsas de plástico típicas e/ou substituíndoas por bolsas biodegradables. O compromiso por parte de todos fará cambiar a situación. A continuación tes unha presentación que non che deixará indiferente e a súa transcrición: